دارو ليه وداع رسمي.. السلطات حيدات آخر تيلبوتيك فنيويورك – فيديو
ودعات مدينة نيويورك بطريقة رسمية آخر هاتف عمومي (Payphone)، واللي كان فساحة التايمز وسط المدينة، وكان لعقود كيستعملوه الناس قبل ما يدخل التيليفون بورطابل والأنترنت.
صحيفة “The Times” البريطانية قالت أن نقل الكابيني ديال هاد التلفون العمومي من الشارع حضرو ليه عدد من المسؤولين المحليين من بينهم ماثيو فريزر، مفوض المدينة للتكنولوجيا والابتكار، واللي قال أن عملية النقل ديال التيلبوتيك كانت وسط مشاعر حزن خاصة عند سكان المدينة اللي ولفوه.
نفس المسؤول قال بللي مدينة نيويورك ودعات من قبل الكرارس والخيل وجابت بلاصتهم طوموبيلات، وهي اليوم كتودع آخر تيلبوتيك استعملوه الناس من الأوائل فالعالم، وأكيد البديل هي التكنلوجيا المتطورة اللي ولات دبا منتاشرة مابقاش تاواحد كيحتاجو.