لايڤ.. صحافي أوكراني جمعها بكروشية مع سياسي كيدافع على روسيا وسط پلاتو تلفزيوني- فيديوهات

الصداع اللي نايض بين أوكرانيا وروسيا وصل لوسط تلفزة أوكرانية بعدما ناضت مدابزة خايبة فبرنامج تلفزيوني مباشر على الهواء بين صحافي أوكراني وسياسي عندو ميول لروسيا وكيدافع على أطروحاتها.

“الحرارة” بين الرجال بجوج طلعات، والصحافي “Yuriy Butusov” ماشدش فأعصابو وناض جمعها مع السياسي “Nestor Shufrych” بكروشية وطيحو للأرض وغير الضيوف الآخرين ومنشط البرنامج هوما اللي تدخلو باش يفارقوهم.

هاد الصداع كيعكس التوتر ما بين أوكرانيا وروسيا اللي بدا هادي أكثر من 2 سيمانات وتأثيرو على الناس فالبلدين.