أجي تفهم أشنو فهمت / فحالة عضاتني عقرب كيفاش نتصرف؟

قبل ما تقرا خاصك تعرف أن نوع قليل تاع العقارب لي تيكون مسموم، و لكن هادشي ما تيعنيش تبقا تفرج، حيت ممكن يبان عندك رد فعل تحسسي لعضة العقرب، خصوصا عند الدراري الصغار و كبار السن ، و لي مراض بأمراض القلب و الرئة، و هنا خاصك ضروري تعالج الجرح و اتصل بالطوارئ فأقرب وقت، و فحالة تعطلات ما تبقاش تسنى حتى يوصلو، طلب من شي واحد عندو الطموبيل يوصلك.

رد البال لأعراض العضة لي تتعتبر خطيرة و هي:

✓تيبدا يتقيا، و يتعرق و تتخرج ليه الرغوة من فمو.

✓التبول و التغوط اللاإرادي.

✓تيحس بالعطش، و تيضروه جنابو، و تيبدا يحرك فراسو، و عينيه، و عنقو بشكل لا إرادي، و زيد عليها ما تيقدرش يتمشى.

✓تتسارع دقات القلب، و ما تيقدرش يتنفس، و لا يهدرو لا يشوف.

دابا ندوزو آش خاصك تدير قبل ما توصل سيارة الإسعاف:

✓حدد بلاصة العضة، حيت بعض المرات ما يمكنش تبان ليك، و تتبدا تحس بالصداع و الحريق و تتخذر ليك بلاصة العضة.

✓بلاصة العضة غسلها بالما و الصابون، حيت هنا تتنظف الجرح من السموم اللي دايرة بيه، و تتقلل من خطر انتشار العدوى.

✓بلاصة العضة خليها بعيدة على مستوى القلب، يعني ما تبقاش تحرك بزاف و لا توتر حيت هنا دقات القلب تتسارع كثر، و تتسرع بدور ديالك انتشار السم.

✓كنتي مع شي واحد هو لي عضاتو العقرب، حاول تهدنو و تقلل من توتر ديالو، حيت كيف قلنا دقات القلب تتزاد و تيتزاد معاها سرعة انتشار السم.

✓كيس عامر بالثلج حطو على غضة العقرب، و خليه من 10 حتى 50 دقيقة، حيت الما البارد تيقلل انتشار السم، و تيساعد كذلك على تخذير الألم.

✓نادر بزاف فاش ممكن شي شخص يسخف و لا تجيه تشنجات، و لكن فحالة صادفتي الموقف، اتصل بالإسعاف، و دير ليه عملية التنفس الإصطناعي، قبل ما يوصلو.

و باش ما نساش ضروري تعرف شكل العقرب لي عضك و هنا خاصك تهزو و تديرو فقرعة تاع الزاج، و بطبيعة الحال ماشي بيديك، ما قدرتيش تشدو صورو 😅

هادشي لي كاين، بان ليك شي خطأ صححو ليا.

أي معلومة إضافية فيدنا بيها