شحال غادي يكون من كلب ضال فاولاد برحيل ؟؟

80 كلب ؟؟ 100 ؟؟ نقولو 150 كلب متشرد كأعلى تقدير ..

علاش الساكنة كتشكا منهم ؟؟

لأنهم خايفين على ولادهم وعلى راسهم من العض والمرض والصرع ..

إذن خصنا نلقحو هاد الكلاب من الصرع ..

أولا باش نحميو الساكنة وهاد العملية غادا تقام 70000 درهم على أعلى تقدير .. ونكونو حصلنا على نتيجة الكلاب لا يشكلون حتى شي خطورة .. وباقي مشكلة التكاثر ديالهم .. إذن خص تدار شي جمعية تخدم بشراكة مع المجلس الجماعي توفر المتطوعين وشي طبيب بيطري

والمجلس يوفر اللوجيستيك وشي قطعة أرضية خارج المدينة يجمعو فيها الكلاب بشوية بشوية يلقحوهم ويوزعوهم على الضعيات المجاورة باش يقومو بدور الحراسة ورعي الغنم ..

وشي باس ما كاين نخليو فكل حومة كلب دريوش ملقح يتهالاو فيه الجيران ويكسبو بيه الحسنات ..

فبلادات الناس الساكنة كاتشكا من جودة الويفي فالحدائق العمومية .. وحنا 20 عام والمسؤولين حايرين مع الكلاب ..

هاد الكائنات مساكن لايملكون صوت لكنهم يحبون الحياة مثلنا القتل ماشي حل ..