تارودانت24 ___ قيادي من البي جي دي راه عبث يعقد المجلس الوطني لحزبنا مجلسو الوطني قبل انعقاد اللجنة المركزية لحليفنا البي بي اس
استغرب قيادي من حزب العدالة والتنمية قرار الامانة العامة لحزبه مؤخرا بتحديد 15 شتنبر موعدا لانعقاد المجلس الوطني للحزب٬ هاد الاستغراب شرحه مصدر “كود” كما يلي: “حنا دابا درنا مشكلة كبيرة مع حليفنا الاساسي التقدم والاشتراكية بقرار حذف كتابة الدولة في الماء واعفاء كاتبة الدولة شرفات افيلال. عوض ما نتسناو حزب التقدم والاشتراكية يدير اجتماع اللجنة المركزية اللي تقررات قبل قرار تحديد تاريخ المجلس الوطني اللي تاخداتو الامانة العامة لحزبنا٬ نضنا وسبقنا هاد الاجتماع”.
المصدر اضاف “هاد الشي راه عبث. كيفاش اجتماع اللجنة المركزية للتقدم والاشتراكية تحدد يوم 22 شتنبر وجينا حنا وقررنا نديرو المجلس الوطني يوم 15 شتنبر. اش غاديين ناقشو فيه. المنطقي نديرو اجتماعنا بعدهم وعلى ضوء قراراتهم نشوفو كيفاش نقدرو ندبرو هاد الخلاف”
هاد الشي كيعني باللي البي جي دي باغي يفكها مع البي بي اي وصافي وباغيين ينهيو العلاقة بيناتهم. زمن بنعرفة كلشي عبثي فيه
0تعليقات